محاظرات في المسجد الحرام

السلام عيكم ورحمة الله وبركاته
معلومات عنى
انا طالبه بسنه ثانيه في تخصص الطب وباقيلي اربع سنوات دراسه وسنة امتياز حلمي طويل بس ياريت تفسرو ليه ومشكور مقدما
بحلم اني بكون في المسجد الحرام وانا هناك نفسي ارجع البيت بسرعه ماليه نفس اكون بره البيت وبعدين لمن خلاص نبغ نروح بيجيني شعور الخشوع وانشراح الصدر وبقول يالله مااغتنمت الوقت وانا هنا ابغ اجلس زياده بسير اروح اتمشي هنا وهنا بيجى عمى بيمسكنى من يدي وبيسحبنى بقولو ايش فيه مابيرد ومنمشي بعدين بعرف انو احنا جالسين نلعب استغمايه المهم بابا بيجي من ورانا وبكون انا عارفه انو هو في وبقول خلى يمسكنا وبيمسكنا انا وعمي بعدين بعرف انو دحين وقت صلاه بس مابعرف ايش هيه بابا وعمامي بيجو عشان يصلو بس انا مابصلي ولا بفكر اصلا في الموضوع كانو الموضوع مابيخصني المهم شويه كده بابا بيقلي هنا في محاظره وبنجي نحظرها( بتكون اللي بتعطيها هيه في الحقيقي عميده عندي اسمها البرفسوره اسما) المهم لمن نجي نحظر بتخلص هيه وبعد شويه بتكون حتبدأ وحده تانيه باخذلي كرسي بسرعه عشان احجز لي شويه كده بنات بيجو جمبي مابعرفهم بسالهم بقولهم هيه بتدي محاظره عن ايش بطالع البنت فيه وبتقول ماادري البنت بتكون بدخن بقول يالله حرام يعنى احنا في المسجد الحرام وهي بدخن كده مافي احترام ابدا المهم البنت بتسالنى بتقولى هو في كم قبر لمن الانسان بيموت انا بقولها واحد بتقولي مو اثنين انا مررره بستغرب والمهم بطالع حوليه بشوف البنات كل اللي جمبي سود من معارفها وبحسها ناويالي على شر انا بخاف وبقوم بقول اجلس في اي مكان لو على الارض الا شويه بشوف صحباتى اللي في الكليه بروح اجلس معاهم بيكونو في اول صف قدام الدكتوره يعنى مكان ممتاز المهم بسال صحبتي وضحى وانا هذي البنت بصدقها المهم بقول كم قبر موجود لمن نموت بتقولي اتوقع اربعه بس ماهي فاكره ايش بيسير فيها المهم المحاظره بتخلص وانا بكون ماسمعت ولا كلمه منها ولازم دحين ندفع اربعميه وخمسين حق المحاظره المهم شويه كده الناس كلهم بيخرجو وانا جالسه اجيب الفلوس الا بقول انا ماسمعت شي من الحاظره حرام ادفع وبخرج معاهم الا العميده بتنادينى بتقولى انتى اللي هناك كيف تخرجي ومدري ايه وبتجى بتفتشنى انا وصحباتى بفهمها الوضع انا وبوريها انو اوراقي فاضيه ماكتبت شي معاكى يعنى حرام ادفع بتتفهمنى وبتقول ليه انا وصحباتي وحده منكم تجي وحديها عرض خاص او استفاده خاص في حظور المحاظرات المهم انا بروحلها اول وحده وبتقول كل يوم حيكون في من هذا وانا بفرح وبس

وعليكم السلام ورحمته وبركاته
يدل منامك والله اعلم ( انك تتبع الهوى فى اشياء ولكن نفسك المطمئنه ترجعك بالندم والعتاب والاسى على مافات وانتهى فلا تتبع اصدقاء السوء وارجع الى الطريق الصواب)